KMG PetroChem компаниясы APEC Petrotechnic жоғары колледжінің түлектеріне диплом табыстау салтанатты рәсіміне қатысты

KMG PetroChem компаниясы 2025 жылғы 1 шілдеде Атырау қаласында өткен APEC Petrotechnic жоғары колледжінің түлектеріне диплом табыстау салтанатты рәсіміне қатысты. Іс-шара барысында «KMG PetroChem» компаниясы атынан Басқарма төрағасының орынбасары Азамат Қасымов түлектерге диплом табыстады. Компанияның және өз атынан құттықтап сөз сөйлеген ол индустрия еліміздегі жоғары білікті кадрларды даярлау үрдісін басты назарда ұстайтынын, өйткені түлектер – осы саладағы табыстың кілті екенін атап өтті.

Айта кету керек, мұнай-газ химиясы саласын тұрақты дамыту мақсатында «KMG PetroChem» компаниясы кадрлық әлеуетті қалыптастыру бойынша жүйелі жұмыс жүргізуде. Атап айтқанда, еліміздің бейінді жоғары оқу орындарымен және колледждерімен кадрлар даярлау және түлектердің жұмысқа орналасуына жәрдемдесу бөлігінде ынтымақтастық туралы меморандумдар жасалды. Мұнай-газ химиясы кәсіпорындарының нақты өндірістік сұраныстарына бағытталған оқу бағдарламаларын өзектендіру жүргізілуде. Компания өкілдері жоғары оқу орындары мен колледждердің емтихан комиссияларының құрамына кіреді. Сондай-ақ, А.Касимов бүгінгі түлектер инновацияларды енгізудің және өндірісті одан әрі дамытудың қозғаушы күшіне айналатынына сенім білдірді.