Бүгін "ҚазМұнайГаз" АҚ Басқарма Төрағасы Асхат Хасеновпен бірге мұнай-газ өндіруші компанияларымен және мұнай-газ химиясы жобасында сатып алынатын тауар, жұмыс, қызметтерде отандық тауар өндірушілердің үлесін ұлғайту бойынша жұмыс жиналысын өткіздік.
1. "ҚазМұнайГаз" АҚ құрамындағы компаниялардың, оның ішінде "Өзенмұнайгаз" АҚ сатып алатын импорттық тауарларының базасы жасақталған.
2. Сатып алуға қатысты "Самұрық Қазына" Қорының Ережесін жетілдіру бағытында (отандық компанияларға қатысты кедергілерді азайту) жұмыстар жүріп жатыр.
3. Үш ірі жобаны игеріп жатырған компаниялардың (ТШО, НКОК, КПО) құрған Халықаралық машинажасау орталығы халықаралық стандарттарға сай әлеуеті жоғары 14 отандық компанияларды анықтап, оның 11-мен келісім шартқа отыру іске асқан. 2025 жылы тағы бірнеше компания жобаларға қатысу үшін дайындалып жатыр.
4. Ірі газхимия жобаларның сатып алуларында отандық өнімдер бойынша талдау жұмыстары жасалған, бірақ әлі де автоматика, КИПА жабдықтарын локализациялау жағынан сұрақтар бар екен.
Жалпы "ҚазМұнайГаз" АҚ жаңа басшылығы импортты алмастыруға байланысты жүйелі жұмыстарды жүргізіп бастаған, талдау және іріктеу жағы дұрыс бағытта.
Нақты келесі ұсыныстарды бердім:
1. "ҚазМұнайГаз" АҚ-на импорттық тауарлар номенклатурасын іске асырам деген отандық компаниялардың пулын жасап, әр қайсысымен тікелей қарым-қатынас жасап, жетектеп офтейк немесе көпжылдық келісім-шартқа алып келу.
2. Газхимия жобаларында ірі мұнай-газ жобаларындағы отандық өндірушілерді анықтау тәжірибесін енгізу және солардың базасындағы отандық компанияларды жобаға тарту.
3. Энергетика министрлігіне "үш киттен" және "ҚазМұнайГаз" АҚ-ның импортты алмастыру бойынша атқарып жатқан жұмыстарын басқа мұнай-газ саласындағы жер қойнауын пайдаланушыларға қолдану және оларға қатысты 2018 жылы жасақталған #196 Ережені жетілдіру.
Алдағы уақытта Комитетімізде осы тақырыпқа қатысты ТШО, НСОС, КПО, "ҚазМұнайГаз" АҚ есебін тыңдаймыз!