13 қазанда Қытай мұнай-газ саласының делегациясы Бейжіңдегі Қытай мұнай университетінің өкілдерімен бірге достық байланыстарды нығайту және білім беру саласындағы ынтымақтастық перспективаларын талқылау мақсатында ҚБТУ-ға келді.
«Қытайлық мұнай компанияларымен ынтымақтастық ғылыми жобаларды жүзеге асыруға мүмкіндік береді, ал Қытай мұнай университетімен серіктестік тәжірибе алмасуға және бірлескен білім беру бағдарламаларын құруға жағдай жасайды», - деді ҚБТУ ректоры Маратбек Төлебергенұлы. Қос дипломды білім беру бағдарламаларын жүзеге асыру студенттерге бір уақытта екі ЖОО дипломын алуға мүмкіндік береді, бұл оларға еңбек нарығында қосымша бәсекелестік артықшылықтар береді және жұмысқа орналасу мүмкіндіктерін кеңейтеді.
Қонақтар қазақтың салт-дәстүрлерімен және тағамдарымен танысты, сонымен қатар экскурсияда университет қабырғасындағы зертханаларды аралады.